Zinetika

Zinetika disziplina anitzeko jaialdia da, non dantza eta teknologia arteko harremanak ikertzen diren. Gorputza eta teknologia, biak elkarrekin sorkuntza prozesuan murgildurik esperientzia artistiko desberdinen bila dabiltza. Gai honen inguruan bideodantza, performanceak, Instalazioak, masterclassak eta lantegiak proposatzen dituen nazioarteko jaialdia da. Gainera, artista eta erakundeen arteko nazioarteko zubiak eraikitzen dituen plataforma da, kultur-elkartrukea aberastuz eta sorkuntza hibridoen aldeko apustua egiten du.

Antolatzailea: El Trastero Creativo
Ekoizle-kidea: Dantzagunea

NON?

Jaialdia Iruñea, Donostia eta Bilbon ospatzen da Baluarte, BilbaoArte eta Tabakalerako zinemak jaialdietarako duen eskutitza txurien programarekin elkarlanean.

Baluarte


BALUARTE, Batzar Jauregia eta Nafarroako Auditoriuma, edozein eratako kultura eta merkataritza-ekitaldiak hartzeko gune aproposa da. Iruñeko hirigunean bertan kokatuta, BALUARTE Nafarroako Gobernuak eraiki eta Patxi Mangado nafar arkitektoak sinatutako eraikuntza da. BALUARTEk kokapen pribilegiatua du: hiriko merkataritza eta aisi gune dinamikoenak eta Iruñeko Ziudadela, parke bilakatutako XVI. mendeko gotorleku ederra, gurutzatzen diren tokia.

Baluarte

HELBIDEA: Baluarteko Plaza, Iruña

Tabakalera


90 urtez Donostiako tabako fabrika izan ostean, 2015ean zabaldu zituen ateak Kultura Garaikideko Nazioarteko Zentro gisa eraberriturik. Sorkuntza sustatu eta hedatzea du helburu, eta horretara bideratzen ditu zerbitzu eta jarduerak. Kultur proiektu bat izateaz gain, erakundez eta ekimen pribatuz osatutako kultur ekosistema bat ere bada Tabakalera, baita jendearen gozamenerako zabalik dagoen plaza publikoa ere.

Tabakalera

HELBIDEA: Andre zigarrogileak plaza, 1. Donostia. Gipuzkoa

BilbaoArte


BilbaoArte Fundazioa ekoizpen artistikorako zentro bat da eta Bilboko Udal Gorenaren Kultur Sailari lotuta dago. Sortzaile gazteen eskura jartzen ditu beharrezko bitarteko eta azpiegitura euren egitasmo artistikoak garatzeko. BilbaoArteren helburu behinena, sortzaile gazteen profesionalizazioa erraztea da, maila tekniko altuak lortuz, eta, era berean, artearen praktikarako beharrezko azpiegitura modernoak komunitate artistikoaren eskura jartzen ditu.

BilbaoArte

HELBIDEA: Urazurrutia kalea, 32. Bilbo. Bizkaia

Dantzagunea


Dantzagunea dantza ikasteko eta sortzeko prozesuei bultzada emateko Gipuzkoako Foru Aldundiak sustatzen duen zerbitzua da. Espazioak 900 metro koadro ditu, dantzarako egokiturik dauden hiru aretotan banaturik: areto balioaniztun bat banakako lanetarako; bileretarako, ikastaro teorikoetarako, aurkezpenetarako; bilera-gela bat; eta administrazio, bulego, aldagela… eginkizunak betetzen dituen aretoa.

Dantzagunea

HELBIDEA: Pelotari kalea, z/g (Niessen eraikina) 20100 Errenteria