Dantzaren eta zinemaren artean, Jaco Van Dormael zinema- eta antzerki-zuzendariak eta Michèle Anne De Mey koreografo eta dantzariak antzerki modu hibrido paregabea sortu dute. Dantzaren eta zinemaren arteko mugan, gauero, "Kiss & Cry-k eta Cold Blood"-ek emozioak beste eskala batean aurkitzera gonbidatzen dituzte ikusleak. Agertokian zuzeneko film bat sortzen eta ematen, eta dantzarien hatzak pertsonaia gisa irudikatzen. Akats batek emanaldiaren fluxua honda dezake, ikuskizuna hain zehatz baitago koreografiatua.
Ordudanik, beste sorkuntza batzuk sortu dira, kontzeptuak eboluzionatu egin du, baina, hala ere, zinema eta koreografia elkarrekin egindako lanaren DNAren zati dira.
Michèle Anne De Mey-k eta Jaco Van Dormael-ek, bizitza errealean bazkideak eta agertokian lankideak, haien talentuak agertokian nola konbinatzen dituzten erakusten dute; agertokian egiten dute bat haien unibertso sortzaileek.
Non Ikusi egitarau osoa
Ematen du
Michelè Anne de Mey
Prestakuntza Bruselako Mudra eskolan jaso zuen. Michèle Anne De Mey (Brusela, 1959) koreografo belgikarrak laurogeiko hamarkadan hasi zuen bere ibilbidea Anne Teresa De Keersmaekerren zenbait piezarekin. 2011n, "Kiss & Cry" sortu zuen. Obra honekin 300 emanaldi baino gehiago egin zituen nazioartean, 20 herrialdetako 180.000 ikusle baino gehiagoren aurrean, eta ondoren, beste lan ezagun bat sortu zuen, "Cold Blood". Azken urteotan hainbat lan sortu ditu, "Amor" edo "River" kasurako, baita Verdiren "Aïda" lanaren bertsio berria eta Jaco Van Dormaelek zuzentzen duen "Somnambula"ren koreografiak.
Jaco Van Dormael
Parisen eta Bruselan zinema ikasi ondoren, Jaco Van Dormaelek (Ixelles -Belgika-, 1957) zinema dokumentalari eta fikzio-zinemari buruzko hainbat ikastaro sortu zituen lau film luze idatzi eta zuzendu aurretik: "Toto le Héros" (1991), "Le Huitième Jour" (1996), "Mr. Nobody" (2009) eta"The Brand New Testament" (2015). 2012an bere lehen opera aurkeztu zuen: “Stradella de César Franck”. 2011n “Kiss & Cry” sortu zuen, eta 2015ean “Cold Blood”.
Galeria
Laguntzaileak
Antolatzailea
Babesleak
Laguntzaileak
Mezenas
Beste laguntzaile batzuk
