Dantzaren alorrean dihardutenei laguntzea eta dantza-ekimenen sustapena babestea helburu duen baliabide-gunea da Gipuzkoako Dantzagunea.

Tabakalera kultura garaikideko zentro bat da, Donostian kokatua. Bi helburu ditu: ekoizpen-zentro bat izatea eta jardueren programazio publikoa eskaintzea.

Condestable Jauregia jende guztiarentzako gunea da eta bertan kultur jarduerak, ikastaroak, hitzaldiak eta proiekzioak egiten dira.

BilbaoArte ekoizpen artistikoko zentro bat da, Bilboko Udaleko Kultura Sailaren menpekoa, eta bertan bizi diren artisten eskura jartzen ditu bere proposamenak garatzeko beharrezko baliabide eta azpiegiturak.

Baluarte Fundazioa Nafarroako Gobernuaren mende dagoen fundazio publiko bat da. Enpresa kolaboratzaileen sostengua du, bere programei ekiteko eta Kulturako Zuzendaritza Nagusiarekin lankidetzan aritzeko. Programa horiek Iruñeko Baluarte auditoriumean arreta jartzen dute, baina ez dira hartara mugatzen.