Dantzaren, arkitekturaren eta musikaren arteko topaketan oinarritutako diziplina anitzeko emanaldia da, espazio ez-eszenikoetan ematen dena.
Bere izenak dioen bezala, perspektibarekin jokatzen du, giro zinematografikoa sorraraziz.

Emanaldia egiten den leku bakoitzerako konposizio berezia da, espazioa eta ingurune arkitektonikoa kontuan hartzen baitira, non, nola eta zer dantza sortu behar den erabakitzeko.

Publikoa ibiltzen doa ikuskizuna zabaltzen den heinean, eta, hortaz, dantza-eszena desberdinak deskubritzen ditu bizirik dagoen espazioa osatzen duten ehundura, kolore, argi, perspektiba eta bestelako elementuetan inspiratuta. Hori guztia lan honetarako bereziki konposatutako zuzeneko musikaz lagunduta dago, non gainera, tokiko materialek sonoritate desberdinak ematen dizkioten musika-konposizioari.

Zuzendaria: Laida Aldaz
Grégory Alliot, Marta Coronado, Clarissa Costagliola, Stefano Matiello, La Faktoria Choregraphic Centerreko eta Dantzertiko ikasleekin batera sortua.
Musika: Juanma Urriza
Zuzendari laguntzailea: Olatz Aldasoro
Produkzio laguntzailea: Amaia Pérez de Iriarte Izurriaga