Bizitza hobe bat aurki al daiteke Marten?
Astrofisikari Valentina ia hogei urtez bizi izan da Marten. Etorkizunetik zuzenean datorren dokumental baten bitartez ezagutuko ditugu bera eta bere ahalmen bereziak. Asteroideez, planetaz, meteoritoz eta beste gorputz zerutiarrez hitz egiten du; baina, batez ere, kolonizazio positibo baten irudia erakusten digu: hau da, iraganeko akatsik gabeko mundu berri bat —baliabideen ustiapenik gabea, lurzoruaren hondamenik gabea, klima-krisirik eta indarkeriarik gabea—.
Poesiaz eta umorez beteriko lan honetan, AzkonaToloza konpainia txiletar-euskalak katastrofeaz harago begiratzen du, etorkizun hobe baten alde.
Pieza honek bidaia poetiko eta baikor bat proposatzen du espazioan eta denboran zehar, unibertsoarekin harmonian biziko den gizateriaren forma berri baten bila.
Non Ikusi egitarau osoa
Egilea
Mediterraneo itsasoaren, Pirinioen eta Atacamako basamortuaren erdibidean kokatuta, Laida Azkona Goñi eta Toloza Toloza-Fernández arte bizietako proiektuak egiten dituzten bi artista dira.
Poesia eta antropologia bisualaren, lofi bideogintzaren, performancearen eta mugimenduaren aukera amaigabeetan interesatuta, beren azken sorkuntzak historia ofizialaren berrirakurketan eta eszenarako pentsatutako dokumentu-sorkuntzan zentratzen dira. Opera-etxe bateko areto bat edo gatzaga altiplaniko bat eszenatzat hartuz.
Galeria
Bideoak
Laguntzaileak
Antolatzailea
Babesleak
Laguntzaileak
Mezenas
