Os Serrenhos do Caldeirão, fikziozko antropologiako ariketak lanak Algarveko (Portugal) Caldeirão mendilerroaren desertifikazioa eta gizatasun galtzea ditu ardatz. Manterok bere irudi propioak erabiltzen ditu, Michel Giacometti antropologoak lanaren kantuaz filmatu zituenekin batera, Portugalgo landa-eremuetan bizi ziren pertsonen ahozko kulturaren tradizioei bizia emateko, beste kultura eta kontinente batzuetan ere ikusitako tradizioak. Erretratu honen bidez, Manterok urteetan zehar galdu den landa-eremuetako bizitzaren jakinduria aztertzen du.
«Encontros do DeVIR jaialdirako sortutako lan honetan, ezagutza galdua duten pertsonei zuzentzen natzaie; gorputzaren eta espirituaren arteko loturari, eguneroko bizitzaren eta artearen arteko loturari buruzko jakintza dutenei. Gure hobe beharrez erreskatatu ahal eta behar dugun ezagutza. Nire amaierako dantza ezagutza horri egiten diodan ordaina da».
Vera Mantero
Bilboko Guggenheim Museoko TopARTE programarekin lankidetzan egindako jarduera.
Non Ikusi egitarau osoa
Egilea
Vera Manterok dantza klasikoa ikasi zuen eta Ballet Gulbenkian-eko dantzaria izan zen 1984tik 1989ra bitartean. 1987an hasi zuen sortzaile-karrera eta laster hartu zuten Nova Dança Portuguesako izen nagusietako bat bezala. Bere lana Europa osoan, Argentinan, Uruguain, Brasilen, Txilen, Kanadan, AEBetan, Korean eta Singapurren erakutsi zuen.
2000. urteaz geroztik, ahotsa ere lantzen du, hainbat egileren errepertorioa kantatuz eta musika esperimentaleko proiektuetan elkarlanean jardunez.
2002an ‘Almada’ saria jaso zuen (IPAE/Portugalgo Kultura Ministerioa) eta 2009an Gulbenkian Arte saria jaso zuen sortzaile eta interprete gisa egindako ibilbideagatik.
«Niretzat dantza ez da egitate bat. Nire iritziz, zenbat eta gutxiago barneratu, orduan eta hurbilago egongo naiz dantzatik. Dantza eta lan eszenikoa ulertu behar dudana ulertzeko erabiltzen ditut. Dagoeneko ez diot zentzurik hartzen diziplina bakar batean espezializatutako interprete bati (dantzaria, antzezlea, abeslaria edo musikaria). Orain zentzu pixka bat hartzen diot osotasunean espezializatutako interprete bati. Bizitza gertakari izugarri konplexu eta aberats bezala ikusten dut, eta nire lana izpiritua (nirea zein besteena) pobretzearen aurkako etengabeko borroka bezala, orain eta beti nahitaezkoa iruditzen zaidan borroka».
Vera Mantero
Galeria
Bideoak
Laguntzaileak
Antolatzailea
Babesleak
Laguntzaileak
Mezenas
Beste laguntzaile batzuk
