Dantzaren inguruan kamerari eta muntaketari buruzko saio trinko baten ondoren, hainbat proiektu proposatuko dituzten taldeak eratuko dira.

Proiektuak hurrengo egunean filmatuko dira, eta horren biharamunean editatuko dira. Piezek 48 ordutan bukatuta egon behar dute.Lantegiaren helburua da esperientzia bizia eta ausarta eskaintzea, kameraren eta gorputzaren, muntaketaren eta koreografiaren arteko lotura ezagutzeko.

Dantzagunea-k (Zinetikaren erakunde laguntzailea) antolatu du laborategi hau jaialdiaren aurrerapen gisa. Dantza eta bideoa lantzeko lantegia, Ibon Taboadak eta Oihana Varelak emana.

Lantegiaren asmoa da dantza eta bideoa uztartzea, kameraren erabilera dantzara moldatzea, kameraren begiradaren eta dantzaren adierazkortasunaren arteko elkarrizketa bilatzeko.Artistek espazioa uztartzen ikasiko dute, (kokapena)-mugimendua-kamera, hainbat atmosfera lortze aldera.

Dantza-bideoa lantzeko sarrera baten ondoren, inprobisazio-baliabideak sortuko dira. Al berean, kamera dutenek mugimendua barneratzen hasiko dira, proposatuko zaizkien zenbait ariketatik abiatuta.Lehenengo egunean kamera finkoa erabiliko da, eta bigarrenean, berriz, kamera mugikorrarekin.