Joan den larunbatean, irailak 11, Riu Rau zinemaldiaren 10. edizioaren azken emanaldi saioa ospatu zen sari banaketarekin batera Jávean. Laida Aldaz Arrietaren The Room film laburrak irabazi zuen dantza film onenaren saria. Aldi berean, beste sari batzuk ere banatu ziren, hala nola Fikziozko Film Labur Onena, LGTBIQ + Film Labur Onena, Fikzio Sozialeko Laburmetraia Onena …

ZINETIKA Jaialdiak ekoitzita, The Room (EP, 2020) Laida Aldazek zuzendu eta koreografiatutako film laburra da, espazio itxietan sortzeari buruz ikertzen duena.

Ate itxi bat duen gela bat baino ez dute behar Laidak (loop mugimenduz osatutako koreografia baten protagonistak), eta Giuseppe Di Franciscak (film honen editore eta kameraria) filmaren bereizgarri den iruditeria sortzeko. Joaquín Breton zuzendari-laguntzailea da, Cruz Isael Mata koreografia-laguntzailea da eta musika Luisillo Kalandrakaren lana da.

Riu Rau Film Festival nazioarteko jaialdi bat da. Irabazi asmorik gabeko Eskola de Cinema Riurau elkartearen eskutik jaio zen mundu osoko film laburren zinegileen topaketarako, hedapenerako, garapenerako eta lehiaketarako espazioa eskaintzeko asmoarekin.