Zinetika Festival 2023: Dantza, Zinema eta Teknologia nazioarteko lau egoitzatan
aza 8, 2023
2023ko Zinetika Jaialdiak bere zortzigarren edizioa ospatzen du, dantza, zinema eta teknologiaren arteko fusioa lau egoitzatan aztertzeko promesarekin: Iruñea, Donostia, Bilbo eta Mayenne, Frantzia.
Diziplina anitzeko jaialdi honek azaroaren 17tik abenduaren 14ra bitartean egitarau anitza eskainiko du ikuskizunak eta zortzi herrialdetako filmak biltzen dituena. Tokiko talentuari ere tartea eskainiko zaio masterclass batekin eta Fermín Gilen "ODA" lehen dokumentalarekin.
Iruñeko Kondestable Jauregia agertoki bakar bihurtuko da Ponten Pie kopainiaren "Ârtica" obrarako. Eraikineko patioan eraikitako etxola batek ikuslea abentura sentsorial batera eramango du. Egun berean, bisitariek Laida Aldazen "To Let Go" instalazioa esploratu ahal izango dute. Ikusizko poesiari buruzko bi liburu handi, lau pantaila txertatuta dituztenak. Irudiek ezin joaten uztea islatzen dute, eta zehazteko dagoen performance bat. Horrez gain, Ione Atenea nafarrak emango duen masterclass aberasgarria eskainiko da, "Munduarekin harremanak izan kameraren bidez" izenburupean.
Jaialdiaren egitaraua beste ogoitza batzuetara zabalduko da, hala nola, Donostiara, non David Espinosaren "Historia unibertsal bat" performanceak gizateriaren historiako une esanguratsuen bira bat egitera gonbidatuko gaituen, eta Bilboko Guggenheim Museora (Top Artekin elkarlanean). Bertan, Vera Mantero nazioarteko artista entzutetsuak "Os Serrenhos do Caldeirão, fikziozko antropologia ariketak" performancea aurkeztuko du, non Portugalgo Algarveko Serrenhos do Caldeirãoko denboran galdutako landa-bizitzaren jakinduria aztertzen duen.
Zinetika Jaialdiaren VIII. edizioko Sail Ofizialean gaur egungo bideodantzarekin zerikusia duten filmik onenak nabarmentzen dira. Zortzi herrialdetako hamabi filmek hartzen dute parte zinemaldiaren egoitza bakoitzean, film eta zuzendari onenaren sariak lortzeko lehian. Gainera, Donostian Kresala zineklubak emandako saria eskuratzeko aukera izango dute.
Sari hauek emango dituen epaimahaia Ione Atenea zinemagileak, Rosa García Loire ikus-entzunezko zuzendari eta ekoizleak eta Marta Coronado dantzari, koreografo eta La Faktoria Zentro Koreografikoko zuzendarikideek osatzen dute. Berritasun gisa, zinemaldia Mayennera (Frantzia) zabalduko da. Bertan, "Sorkuntza eta bideodantza lantegia" egingo da R14 konpainiarekin lankidetzan, eta bi film proiektatuko dira Mayenneko Le Vox zineman, jaialdiaren Saill Ofizialeko fimeekin batera.
2023ko Zinetika Festivalek dantzaren, zinemaren eta teknologiaren arteko elkargunea aztertzen duen esperientzia paregabea izango dela agintzen du, arte-munduan sormena eta berrikuntza sustatuz.