Zinetika jaialdiko palmaresa, 2023
urt 8, 2024
Nadav Heyman & Anabella Casanovaren “Old Man at the Corner Store”, film onena; Jeppe Langeren “Laws of Motion”, zuzendari onena; eta Mohammed Abbasiren “I am my mother”, aipamen berezia.
Dagoeneko badakigu zein den VIII. ZINETIKA zinemaldiaren palmaresa:
-
Zinetika 2023ren Film Onenaren Saria, 300 €-koa, Nadav Heyman & Anabella Casanovaren ”Old Man at the Corner Store” film labur estatubatuarrarentzat izan da.
-
Zinetika 2023ren Zuzendari Onenaren Saria, 300 €-koa, “Laws of Motion” filmaren zuzendari Jeppe Lange daniar zinemagileak jaso du.
-
Horrez gain, epaimahaiak ohorezko aipamena eman dio Irango Mohammad Abbasiren “I am my mother” lanari.
Zinetika 2023ko epaimahaia honako hauek osatu dute: Ione Atenea, nafar zinemagilea; Marta Coronado, La Faktoria Choreographic Center-eko koreografo eta zuzendarikidea; eta Rosa García Loire, ekoizle eta zinema zuzendaria.
Sari horiei Zinetika 2023 Sail Ofizialeko film guztiek jasotako 100 €-ko haborokina gehitu behar zaie, zinemaldiko proiekzio-eskubideen kontzeptupean.
BESTELAKO ARGIAK
Zinemaldiaren zuzendaritzak Bestelako argiak jaialdian parte hartzeko aukeratu zituen film laburrak honako hauek ziren: “Ahead Behind” (Ben Kadie, AEB), “Move” (Bernando Alevato & Taianne Oliveira, Brasil), “Un cuerpo es” (Jaime Dezcallar, Espainia) eta “Absent Pressence” (Giorgia Ponticello, Italia).