Zinetika jaialdia 2022ko Palmaresa
abe 16, 2022
“Breakadventure”, film onena; “Au mur de la mer”, zuzendari onena; “Yellow Line”, aipamen berezia; “Walks with me”, K saria.
"Breakadventure", "Unfolding", "Anamnesis" eta "Uholdeak" dira Iruñeko Udalaren Bestelako Argiak jaialdian proiektatzeko aukeratutako film laburrak.
Dagoeneko badakigu zein den VII. ZINETIKA Jaialdiaren palmaresa:
2022ko Zinetika Jaialdiko Film Onenaren Saria, 500 €-koa, Igor Krasik-en “Breakadventure” film labur alemaniarrak jaso du.
Zinetika 2022ren Zuzendari Onenaren Saria, 500 €-koa, “Au mur de la mer” filmaren zuzendari Shawn Fitzgerald Ahern zinemagile frantsesak jaso du.
Gainera, epaimahaiak ohorezko aipamena eman dio Katayoun Parmar-en "Yellow Line" lan irandarrari.
Lan horiek balioetsi dituen epaimahaia Maitena Muruzabalek, Mikel Belascoainek eta Marina Lameirok osatu dute.
Kresala Zineklubak ematen duen K Saria Kati Kallio-ren “Walks with me” film laburrak jaso du.
Bestelakoa Argiak jaialdian parte hartzeko aukeratutako film laburrak honako hauek izan dira: “Breakadventure” (Igor Krasik, Alemania), “Unfolding” (Noelia Pignatto, Argentina), “Anamnesis” (Evaggelia Lousioti, Grezia) eta “Uholdeak” (Olatz Larunbe, Espainia).
Film sarituak Zinetikaren Aukeraketa Ofizialaren eta Open Creen sailaren parte dira.
VII. ZINETIKA Jaialdia azaroaren 18tik abenduaren 4ra bitartean egin da Iruñean (Kondestable Jauregian), Donostian (Euskadiko Arkitektura Institutuan eta Trueba Zinemetan) eta Bilbon (Guggenheim Museoan, TopARTE programaren barruan eta 25. urteurrenean). Programazioak proiekzioak, masterclassak eta performancea jaso ditu.
BESTELAKO ARGIAK
ZINETIKA jaialdiak Iruñeko Udalak 2022ko abenduaren 16tik 2023ko urtarrilaren 8ra bitartean Ziudadelan antolatutako ‘Bestelako argiak’ jaialdiaren VII. edizioaren egitarauan lagundu du. ZINETIKAk Iruñeko Udalarekin lankidetzan dihardu Bestelako Argiak jaialdiaren lehen ediziotik, eta 2022an programatutako lau film labur eraman ditu.
ZINETIKAk proposatutako proiekzioek argi-instalazio interaktiboak, familia-lantegi sortzaileak eta arte-erakusketak ere barne hartzen dituen programazioarekin bat egiten dute.
Jarduera guztiak dohainik izanen dira, lantegiak izan ezik; horietarako aldez aurretik izena eman behar da. Jaialdi honek hausnarketa, gozamena, jolasa eta zirrarak suspertzea proposatzen du, bideo-sormenaren eta ikus-entzunezko artearen bidez, argia protagonista izanik. Proiekzioak Ziudadelako barrutian izanen dira 17:30etik 20:30era.
Breakadventure (armadaren etorbideko barne-horma)
Unfolding (Labearen fatxada)
Anamnesis (Lidia Biurrun aretoko horma)
Uholdeak (Mistoen pabiloiaren atzeko fatxada)
